भुल्दै गएको कुरा

नेपाल राज्यले भुल्दैछ प्रिथिवीनारायणको दिव्योपदेश 
वीर शहिदका त्याग र बलिदान 
युद्धमा सन्तान गुमाएकी आमाको आसुँ,अङ्गभङग भएका योधाहरुका पिर-मर्का
रणभूमीमा सहादत प्राप्त गरेका योधाहरुको बलिदान,
अनाथ र टुहुरा भएका बालबालिकाहरुका आसुँ र भविश्य
नेपाल राज्यले भुल्दैछ महा-भूकम्पका पाठ र पिडा 
अनि जनआन्दोलनको मर्म र 'म्यान्डेट'

नेपाली जनताहरुले भुल्दैछन् मानवता र सह्रिदयेता
एकता र अखन्डताको परिभाषा
निरन्तर अगाडि जादै गरेको समयको बेग र महता 
अनि महा-भूकम्पले सिकाएका पाठहरु
अनि यावत् कुराहरु

र 
नेपाली जनताहरु खोज्दैछन् भुलेका ति कुराहरु 
जो उनीहरुको मानसपटलमा कतै लुकेका छन् 
या कतै लुकाइएका छन।
मनका कुनै कुनामा सिमित छन् 
या सिमित पारिएका छन।

र 
नेपाली जनताहरु खोज्दैछन् वास्तविक जीवन-संसारमा हराएको 
मानवता, देशप्रेम र रास्ट्रियता
फेसबुक र टुइटरको भर्चुवल जीवन-संसारमा।

"तिमी र म "

तिमी वाह्य रुपको घमण्ड गर्छौ,
म तिम्रो भित्री सुन्दरताको

तिमी धनलाई सबथोक मान्छौ
म ज्ञानलाई सर्वोपरी मान्छु

तिमी देखावटी मायाको कुरा गर्छौ
म असली मायाको कुरा गर्छु

तिमी बिसेक भएर जाने बेखती घाउको कुरा गर्छौ
म कहिले निको नहुने खती घाउको कुरा गर्छु

तिमी चन्द्रमालाई शीतल र शान्त देख्छौ
म सूर्यलाई शीतल र शान्त देख्छु

तिमी आकाररुपी पुस्तक पढ्छौ
म जीवनरुपी पुस्तक पढ्छु

तिमी भौतिक बललाई बल ठान्छौ
म मानसिक बललाई बल ठान्छु

तिमीलाई काँडारुपी गुलाफको फुल मन पर्छ
मलाई त्यो फुलसङ्गै आउने काँडा मन पर्छ

तिमी दुनियाँ र समाजलाई गुनी, इमानी र सुखी देख्छौ
म दुनियाँ र समाजलाई बैगुनी, बेइमानी र दु:खी देख्छु

तिमीलाई रह्स्यको जाल गाँठो कस्न मन पर्छ
मलाई रहस्यको जालको गाँठो फुकाउन मन पर्छ

तिमीलाई रातो रङ्ग मन पर्छ
--- जुन मलाई रगतको रङ लाग्छ
र, मलाई कालो रङ मन पर्छ
--- जुन तिमीलाई अज्ञानता र अन्धकारको रङ लाग्छ

तिमीलाई पिज्जा र बर्गर मन पर्छ
मलाई दाल भात डुकु र मकै भटमास मन पर्छ

हामी दुईबिच यती धेरै बेमेल छ ,
अनी कहाँं हुन्छ त हाम्रो मेल