कोशीको त्यो बाढीमा

कोशीको त्यो बाढीमा

    - प्रबिण ढुंगेल

कोशीको त्यो बाढीमा

देख्दछु म जीवन सकिएको

मानिसहरुको घर-बार बगाएको

जिउने आधार नाशिएको

पशुहरु बगएको , बस्ती नै बगएको

अमुल्य प्राणहरु खोशिएको

सहयोगका लागि गरिएका हार- गुहार बाढीमा मिसिएर बिलाएको

कसैका बर्तमान, कसैका भबिश्य त कसैका अतित मेटिएको , नाशिएको

यो बाढीमा देख्दछु म अनेक लीला

छ जताततै बिनाश र मृत्‍युको लीला

कतै छ बनजंगलको बिनाश त कतै बाटोघाटो र पुल पुलेशाको दुर्गति

कतै छ असपतालमा बिमारिको लामो ताती

कतै छ कुहिएका लाशहरुका नमिठो दुर्गन्ध

देख्दैछु म केही समयअगाडि को सुन्दर र शान्त ठाउँ

अहिले मरुभुमीमा परीणत भएको दुर्दशा

त्यो परीवेश कुरुप र बिचलित बनेको

कोशीको त्यो बाढीमा

देख्दैछु निर्दयी बाढीले घरजग्गा बगाएको

र त्योसँगै बिभिन्न रोगको महामारी ल्याएको

राजमार्ग काटेर ठुलै ताल बनेको र बाढीको पानीमा

अाफ्ना घरबार , सन्तति, घर-परिवार , आफन्त , छरछिमेक,

खुशीयाली आदी सब गुमाएका र मुस्किल ले ज्यान बचाएकाको अबिरल आशु मिशिएको

कोशीको त्यो बाढीमा सुन्दैछु म मेरा दुबै कानले

ति कठै बिचरा पीडितहरुको सरकार सँग गरिएका राहत र सहयोगको याचना

र तिनका चित्कार, रोदन,क्रन्दन र बिलौनाहरु तेही बाढीमा बालुवाको पानी झै मिशिएर गायब भएको