हाम्रा वर्तमान नेता

हाम्रा वर्तमान नेता

-प्रबिण ढुंगेल

हाम्रा वर्तमान नेता देश सपार्ने कुरा गर्छन्

तर सपार्छन आफ्नै घर-परिवार र पार्टी ,  

देशको मुहार बदल्ने कुरा गर्छन्

तर बदल्छन् आफ्नै चरित्र र पहिचान ,

यो गर्ने , त्यो गर्ने भन्छन

तर खास केही गर्दैनन ।   

युगगामि- अग्रगामी परिवर्तनका भाषण छाट्छन

तर उही ताल देखाउछन ,

वि. पि., मदन भण्डारी, गान्धी, लेनिन, मार्क्स आदिका सिदान्त मान्नु पर्छ भन्छन

तर आँफै अनेक सिदान्त बनाउदै र तोड्दै जान्छन ,

देशको विकास् गर्ने कुरा गर्छन्

तर गर्छन् विनासै विनास ,

गर्छन् घ्रिणित राजनीति सबैमा

चाहे सजिव होस् या निर्जिव ।  

विरामी देशको घाऊ निको पार्ने वाचा गर्छन्

तर गर्छन् आफ्नै घाऊ निको र

लाउछन देशको आलो घाउमा नून थप्ने काम ।  

अखन्ड राष्ट्र नेपालको सपना देखाउछन जनतालाई

तर आँफै देशलाई बिखन्डनतर्फ  धकेल्दैछन

हाम्रा वर्तमान नेताहरु ।

गोलमेच सम्मेलन, भेट-वार्ता,बैठक गर्छन्

महँगो तारे होटेलहरुमा , समस्याको समाधान खोज्नलाई

र खान्छन् विभिन्न भेज र नन - भेज परिकारहरु ,

देश र जनताका लागि राजनीति गर्ने कसम खान्छन् 

तर धन र सत्ताको खेलमा नै सधैं व्यस्त रहने गर्छन्

हाम्रा नेताहरु ।

हाम्रा नेताहरु गुण्डाको खेती गर्छन्

तर खेतिपाती गरी जीवन धान्ने गरीब किसानहरुको

अनेकन समस्या नै हल गर्दैनन्  ,

नेपाली युवाहरुका लागि उचित शिक्षा र रोजगारीको अवस्था सिर्जना गर्दैनन्

तर कुरा गर्छन् युवा हित  र युवा नितिको ।

अब त अत्ती नै भयो हाम्रा नेताहरु, 

देश र जनताले धेरै पर्खिएको संबिधान चाहियो ,

जन-आन्दोलन र जनयुद्धका शहिदहरुको सपना पुरा हुनुपर्‍यो ,

जनताको त्याग र बलिदानको सहि कदर हुनुपर्‍यो ,

नयाँ नेपालको खाका तयार पार्नुपर्‍यो ।

नेताहरु हो , अब आफ्नालागि  भन्दा बढी

देश र जनताका लागि सोच र गर।

आपसी खटपट त्यागी नयाँ नेपालको निर्माणका लागि

काधमा काध र हातमा हात राखी अगाडि बढ,

नयाँ पहिचान र नयाँ आत्म-सम्मानका साथ अगाडि बढ

हामी सबै जनता तिमीहरुलाई साथ दिन तयार छौ

आफुमा नयाँ जोश र परिवर्तनका लहर ल्याइ

देशको पुन: संरचना गर्न अगाडि बढ

हाम्रा नेताहरु।।