राम बहादुरको सपना

सपनाको तरंगमा तरंगित हुँदै

उठ्यो राम बहादुर

र गहिरिएर सम्झदै छ आफुले बिहानीमा देखेका

ती तिता-मिठा सपना   

साहुको ब्याज र रिन चुक्ता गरेर

बन्धकीमा परेको आफ्नो खेतबारी

साहुको हातबाट फिर्ता लिएको ,

छोरा र छोरीलाई इस्कुलमा शिक्षा- दिक्षा दिएर 

र ठुला र जिम्मेदार मान्छे बनाएको,

घरको छाना र दीवार मर्मत गरेको।

दसैंको मुखमा पत्नीलाई एकसरो सारी-चुरा

र छोरा-छोरिलाई आधुनिक कपडा

अनि आफुलाई चै एकसरो दौरा-सुरुवाल र ढाका टोपी

अनि दसैंको लागि एउटा ब्रोइलर कुखुरा

किनेर यसपालाको दसैं मानेको ।

पोहोराको दसैं पैसाको अभावमा मानिएन

छिमेकमा मासु पाक्यो, उस्कोमा साग र सिस्नु

छिमेकका केटाकेटीले नयाँ लुगामा पिङमा मच्चिये

तर उस्का भने उही पुरानो लगाएर भाडा-कुटी खेले।

घरका भित्ताबाट पानी निस्के , छानाबाट पानी चुहिए 

अनि उसका सबै सामान पानीको पोखरीमा भिजे।

राम बहादुर सम्झन्छ उसका सपना अगाडि

घरमा मिठो-मसिनो र धनीका जस्ता

धेरै नातेदार न आए नि कोही रातो टिका थाप्न आएको 

पोहोराको जस्तै जमरा खेर नगएको 

दुर्गामाताको अलिकती भए नि आशिस र कृपा पाएको ,

उसको सानो तर सुखी परिवारले लामो अन्तरालपछि

सँगै मिलेर दसैं मानेको र हासेको