उ

स्नातक तह उत्तिर्ण गरेपछि राम्रो जागिर
खाएर बा-आमा पाल्ने सपना देखेको उ
अनेकन ठाउँ डिग्रीका कागजातहरु बोकेर
अन्तर्वार्ताका लागि चाहर्दा चाहर्दै थकित र लखतरान
भएर आज चोकतिरको जैसवाल पान पसलमा
गएर एउटा सुर्य चुरोट सल्काउदै छ
र
सोच्दैछ मनमनै
- "यहाँको डिग्रीले काम पाउला जस्तो छैन ।
लागुँ कि के हो म पनि
गामकै ठुले, साइला, काइला, आप्पे,
आदि साथीहरु जस्तै खाडीतिर रोजगारी गर्न।"